high school life / batch 91

*sinulat ito ni Gil, ninakaw ko sa friendster nya hehe

Hay naku kakamiss talaga high school life..more than 10 years na pala nakakalipas.

Pero kahit matagal na panahon na mga nagdaan di ko pa rin malilimutan ang mga pinagsamahan mga adventures and misadventures ng Batch 91.

Sino ba makakalimot sa rivalry ng III-Gold at III- Silver / IV-Narra at IV- Molave? Hindi paawat sa mga oral declamation, Florante At Laura, gaya gaya puto maya contests at kung ano ano pang contests. Buti na lang nananalo kami kahit papano, galing kasing umarte ni Lissete Tica kasama na ang mga Katipuneros sa background. At swerte din kami sa mga dancers namin sa Elvis and James presentation ng III-Gold. Nadala ng sleeveless blouse at may spraynet na buhok..

Naalala ko pa mga grupo at kabarkada kong BRat Boys, notorious sa panonood ng Triple x na betamax pagkatapos magpiknik at uminom ng fanta sa bahay nila Dennis. Nandyan din ang JR GEMS, barkadahan ng Cardona Girls at Binangonan Boys. At syempre ang RAGE compose of Roehl, Alejandro (anak ni mayor), Gil and Eric. With matching RAGE t-shirts at L.A. gear na sapatos pa yan ha habang naglalakad magkasabay sa Mateo Hall.

Namimiss ko din kumain sa Guevarras. Sampung piso pa lang ata ang ulam noon at di pa uso ang fasfood sa Morong, dahil ang pinakamalapit na Jollibee ay sa Edsa Crossing pa.

Wala pang Gloria Resign noon pero may Valdriz Resign naman. Di pa uso cellfone o pager non, kasi kahit PLDT phone bihira kang makakita maliban lang sa bahay nila Giselle Gonzales. Wala pang playstation non pero at least may atari sila Deo Aterado. Wala ding FX non pero may Blue Thunder naman, ang paboritong jeep ng mga estudyante. Wala pang Creepwalk non, pero may Roger Rabbit at Running man na tinuro pa sa kin si Oliver (alagang alaga namin si Puti..)bago mag concert ang NeoColors. Sikat na si Gary Valenciano noon, sikat pa rin hanggang ngayon.

Naalala ko din ang mga girls na pinangarap ko maging kabiyak ng aking buhay, kaso torpe talaga ako non..Crush ko talaga ang mala-anghel na kagandahan ng Vidanes sisters..(Angelica and Gemma, in alphabetical order yan) ..si Gladys Ignacio a.k.a. Goldie,na beauty and brains..at si Maricel Santos ang black beauty ng Teresa na naging ka close ko lang after graduation sa dahil sa isang overnight swimming namin.

Takot ako dati sa mga Officers kasi kailangan ko pang mag side step pag nakakasalubong ko sila. Minsan kahit officer-officeran nagsisidestep din ako. Takot din ako sa grupo nila Stalin, kasi ang lalaki ng kanilang katawan. Kung pwede ngang mag side step din ako sa kanila gagawin ko.

Haay sarap talagang maalala mga nakaraan. Nakakamiss. Lalo na ang mga taong nakasama at naging kaibigan mo. Miss ko na Class President ko, si Janet Alfonso huli kong nakita sa Mcdo Crossing way back 1995 pa ata. Miss ko din mga barkada ko, sila Peggy, Sir Dennis Inocencio, Edzel, and Francis Mangulabnan. Miss ko mga taga Cardona, si Matet, si Rica the crying Lady, si Estacio, si Glad na perslab ko...

Yung ibang kabatchmates ko nakikita ko rin, minsan sa Mrt, minsan sa megamall, minsan sa Karaoke, minsan sa bilihan ng pirated cd, kaso dyahe mag approach kasi nakapustura sila samantalang ako dami dalang gamit. Mga pasalubong sa Lola ko sa Binangonan. Minsan na rin kasi ako umuwi, wala na kasing byaheng bus na San Ildefonso Lines. Mura kasi don.

Musta na lang kila Julian Joseph, future Congressman 1st District of Rizal, sa aking ex si Lyn Santiago,hehehe. Next tym ingat sa paglalakad baka madapa ka. Sa Guy and Pip ng Batch 91 Lia Santiago and Ruel Balbuena, ang mga entreprenuers na Minnie and Eric, at sa mga kabatch ko na taga Baras, Cardona, Teresa, Tanay, Pililla, Morong at Binangonan, hinding hindi ko kayo nakakalimutan, lalong lalo na kung anong petsa ng Piyesta sa inyo!!!! Mag-imbita naman kayo! hehehehe